Idadi ya watu waliofariki kutokana na mvua huko Kahama
imefikia watu 42 wengi wakiwa ni watoto huku
majeruhi waliofikishwa hospitali wakiwa ni 91.
Watu 35 walifariki dunia papo hapo na wengine
wakiwa hospitali ya wilaya ya Kahama kutokana na mvua kubwa iliyoambatana na upepo na mawe
yanayodaiwa kuwa na ukubwa mithili ya ndoo ndogo ya lita kumi katika kijiji na
Kata ya Mwakata wilayani Kahama mkoani Shinyanga usiku wa kuamkia leo.
Malunde1 blog imeambiwa kuwa mvua hiyo imenyesha kwa muda wa
takribani dakika 30,imeua pia mifugo wakiwemo ng’ombe na mbuzi na kuharibu vibaya
mimea.
Afisa mtendaji wa kata ya Mwakata Mahega Mwelemi ameiambia Malunde1
blog kuwa maeneo yaliyoathirika kuwa ni cha Mwakata,Nhumbi na Magung’humwa.
Mwelemi amesema watu wengi wamefariki kwa kuangukiwa na nyumba zao,kuzidiwa na maji pamoja kupigwa mawe ya mvua ambayo hadi leo asubuhi yalikuwa yanaonekana kijijini hapo.
Mwelemi amesema watu wengi wamefariki kwa kuangukiwa na nyumba zao,kuzidiwa na maji pamoja kupigwa mawe ya mvua ambayo hadi leo asubuhi yalikuwa yanaonekana kijijini hapo.
Mkuu wa wilaya ya
Kahama Benson Mpesya aliyefika eneo la tukio bado wanafanya ukaguzi katika kila
kaya kubaini idadi ya watu waliofariki dunia,kujeruhiwa na idadi ya mifugo iliyokufa.
Awali Kamanda wa polisi mkoa wa Shinyanga Justus Kamugisha amesema kuwa
idadi ya vifo na majeruhi inaweza kuongezeka.
Hata hivyo Mkuu wa mkoa wa Shinyanga Ally Rufunga aliyefika eneo la tukio amesema waliofariki dunia ni hadi sasa ni 41 ,majeruhi 91 na jumla ya watu waliothirika na tukio hilo ni 4,291 kuongeza kuwa kinachohitajika sasa ni misaada mbalimbali ya kibinadamu.
Hata hivyo Mkuu wa mkoa wa Shinyanga Ally Rufunga aliyefika eneo la tukio amesema waliofariki dunia ni hadi sasa ni 41 ,majeruhi 91 na jumla ya watu waliothirika na tukio hilo ni 4,291 kuongeza kuwa kinachohitajika sasa ni misaada mbalimbali ya kibinadamu.
Amesema Mvua hiyo ambayo ilinyesha kwa muda mfupi imewaacha watu 3,500
bila makazi katika kaya 350 huku nyumba zikifurika maji na baadhi ya
mifugo ikisombwa.
Amesema mali mbalimbali zimeharibiwa vibaya ikiwemo mifugo kuzolewa
na maji na vyakula kwenye eneo lote lililokumbwa na mafuriko hayo.
Hali ya majeruhi ambao wamepelekwa katika hospitali mbalimbali bado sio nzuri kwa baadhi ingawa wengine wanaendelea vizuri.
Kamanda wa jeshi la zimamoto na uokoaji mkoa wa Shinyanga
Elisa Mugisha amesema baada ya kupata taarifa kuwepo kwa tukio hilo walifika
katika eneo la tukio kwa ajili ya uokoaji
Na Kadama Malunde-Shinyanga
BOFYA MANENO HAYA KUANGALIA PICHA ZOTE
AU
BOFYA HAPA KUJUA ALICHOKISEMA RAIS KIKWETE BAADA YA KUTOKEA TUKIO HILO LA KUHUZUNISHA
AU
BOFYA HAPA KUJUA ALICHOKISEMA RAIS KIKWETE BAADA YA KUTOKEA TUKIO HILO LA KUHUZUNISHA